vendredi 22 juin 2007

...قالك عبدة الشيطان

ولاهي أنا لتو لا فهت هالكريز إلي نعيشو فيه؟ قبل ما نحكيلكم على البيرسونال متاع إتصالات تونس ولا جماعة الأنترنات اللي قعدت نجري عليهم عندي قريب جمعة, نحب نحكي على حكاية عبدة الشيطان هادي ...توه بربي واحد لا عمرو لا سمع هارد, ميتال و إلا ديث و جاي حاشاكم يحل في كشختو و يحكي عالموسيقى هادي...شاف علاش تحكي؟ سمع كلماتها؟ قيمها كنوع متاع موسيقى؟ ما نخبيش عليكم هالصحفي بو سوردي كنت باش ندخل فيه دخلة مزمرة...أما مباعد جيت نشوف قلت زايد, ماك العام الجرايد ترفس في حلاب مقعور...هاو هيفاء وهبي كبرت في صدرها, الأخرى إغتصبوها 17, لاخر شلط جارهم ولا الكورة؟ ... يا شعب عندك الحرية الكاملة و الديمقراطية الكاملة باش تنبر كيما تحب...هالمادة الإعلامية الحالة حليلة تقف وراها اللأشكال اللي كيما سي وخينا و بالمناسبة نقلو راهو ثمة صحفيين موسيقيين كان تحب تولي منهم أقرى و كون روحك قبل. هاك كي راد عليك ربي
  • أقرى
  • شوية و أفهم.الموسيقى اللي تحكي عليها راهي عندها فلسفة معينة لازم نفهموها قبل ما نصدرو أحكام مسبقة. حسب طبيب نفساني مختص في الموضوع الميل لهالأنواع من الموسيقى هو ردة فعل للفرض التعسفي للأعراف والقوانين داخل العايلة و المجتمع و المظهر شبه الشيطاني ماهو إلا رمز للثورة ضد الإرهاب الديني و السياسي لا أكثر لا أقل والشيء هدا موش ناقصنا في مجتمعنا تبارك الله.يقول زاده اللي الحكاية تختفي بعد مدة و أنو الديراباج(يعني الإنزلاق) في التطرف نادر جدا يعني ما فماش سبب باش تخاف برشا من هالموزيكا و تنتقد البرنامج الوحبد اللي يستحق باش يتعدى في الراديو يا سي الصحفي... راهو ثمة حاجة إسمها أدواق موسيقية وإلا يحبوها الناس لكل تولي سيري كسرونة والنظام توتاليتار في كل شيء حتى في الموسيقى

    2 commentaires:

    زَرَتُونسي a dit…

    ayya miselech 5ouya placidity, 7awel ettawwel belek 3lihom.Personne n'est parfais.Essai de métriser les nerfs et d'ailleur c'est un excercice que tu devrais t'y mettre :la métrise de sois.

    Anonyme a dit…

    Tu sais
    Tu es vraiment particulier
    ya3tik essa7a